Bin ëvnù antëcà dla GoPiedmont!

GoPiedmont

GoPiedmont a l'é n'associassion nen goernativa nà da volontari 'd tut ël mond, col but ëd fé la tua dla lenga e dla cultura piemontèisa.

Lo chi foma

lista dj'atività

Da 'nt l'antologìa

Tripudij di Barba Giròni pel nato figlio (L'ha na gòj barba Giròni)

Ignassi Ìsler (Pare Ìsler)

Pare Ignassi Ìsler (1702?-1778) a l'era un monio dij Tërnitari. A l'ha passà scasi tuta soa vita a la gesia turinèisa dla Crosëtta. Soa euvra poética a consist ëd 52 Tòni, publicà mach dòp soa mòrt. A l'é stàit un-a dle figure prinsipaj dla literatura piemontèisa dël sécol ch'a fà disdeut. L'us d'un lengage motobin avzin al parlé popolar sitadin a rend soa euvra pressiosa për lë studi dël piemontèis arcàich.

Scheda ant sla wikipedia
Selession ëd j'euvre

L'ha na gòj barba Giròni
ch'a fà 'd sàut com un cravieul:
sui trant agn 'd sò matrimòni
finalment a l'ha avù un fieul.

Për piasì ch'lo-lì ha faje
(fur da rije da crëpé)
an sautand s-ciancher le braje,
ch'a-j drochero giù sui pé.

Òh che bele trebaudëtte
ch'a-j han faje ij seu vësin
con le mòle e le palëtte
sul paireul e sui bronzin.

A-j han fàit una sparada,
ch'a smijava giust 'd mortrat;
ma l'é stàit una sarnada
fàita a fòrsa 'd rut e 'd pat.