Me car Michel...lòn che i l'oma fait noj për costa festa a l'é gnanca na stissa ant'un baciass, për rapòrt a lon che ti e j'autri prima da noi l'eve fait për la Lenga dël Cheur.
Mi, për mi, i son mach un sonador da piòla amprestà a la causa, e i tornerai a esse un sonador da piòla, da sta seira a andé anans.
La television a resta!: la BinMostranta , ( pareja a l'ha ciamala Berto 'd Sera) a va a seguité sò travaj ëd diffusion ansima a la ragnà, e ansema a cost sit LIBER A TUTI a ven a esse na crosiera d'ancontr 'd le atività an Piemontèis. Liber come le spirit dël Piemont: tuti a peulo fé quaicòs ansima a cost sit. A basta scrive a http://www.gopiedmont.org/contact e conté lòn ch'i volive o podive fé.

Grassie Michel për tua lession d'ëstoria che, come ch'it l'has vist, a va a resté ambelessì amplacà a disposission ëd tuti ij visitator. E grassie ëd tua disponibilità: al'é pròpi përché a j'é 'd gent come ti che noi farfojon che soma portà a pianté dij gran bordej, peui i reussima a fé le ròbe bele e gròsse..

I spetoma quaidun che a peussa arlevé le vaire rubriche che a-i son ( come Davide fillié che a l'ha piait l'Antologia, e come Massimo che a l'ha a pen-a piait ël turism). Contoma che ant ël gir d'un mèis ël calendaria a peussa taché a marcé, e che i peusso marché ansima al calendari tute le ròbe an piemontèis che a rivo ant 'ël mond.
Viva tuti ! e Grassie a tuti!