Saba, ij 31 ëd Magg 2008
an Cherasch. An colaborassion con la Sità 'd Cherasch e la Fondassion Vox Humanitatis

 

Tut ël di ant ël borgh: Anstalassion multimojen a smon-o video an piemontèis

 

Ant l'auditòrium
Da 2 bòt a 5 ore ël dòp mesdì Prim concors "Porté anans la tradission". Assegnassion final dël premi

---

 

Teatr Salomon

da 10 ore la matin a 5 e mesa 'l dòp mesdì
Rëscontr antërnassional «Da 'nt le wikipedie anlà». Tecnologìe a sorgiss duverta e lenghe regionaj. Relator dal viv da 'n Catalonia, Anghiltèra, Almania, Olanda e Italia as dan ël cambi con video da tut ël mond. J'antërvent registrà a son dobià an piemontèis. Antra j'argoment tratà:
-Stàndard ISO 639-6
-Amprendiment eletrònich a distansa
-Tradutor automàtich ëd la neuva generassion
-L'Ann ëd le Lenghe dl'UNESCO
-Drit uman an Àfrica: la proibission ai cit ëd parlé soa lenga mare a scòla
-Proget Cun-a Duverta, n'archivi mondial dla lenga dle masnà
-Vénet: antegrassion antra vej e masnà basà ant sle lenghe regionaj

 

a 6 ore la sèira Cors ëd Lenga Piemontèisa «a la svicia», comprèis ant ël pachèt torìstich (prima part). Soagnà da Dàvid Damilan.

 

a 8 ore la sèira Rëscontr «Ël piemontèis ëd l'avnì», conclusion soagnà dal Prof. Sergi Marìa Girardin

 

Degustassion soagnà da l'Enoteca Regional dël Roé

 

Arch dël Belvoghe

A 9 ore la sèira: réssita dël cantautor Berto Balòch